Xa que os podcasters se van de vacacións, falemos de podcasting. Venres, 17 de xullo. Son José Antonio, e isto é Conxecturas. A miña chegada como ouvinte de podcast chegou grazas a Yoyo Fernández, @yoyo308, quen de youtuber linuxeiro pasou a podcaster. O que me fixo chegar foi atopar un espazo de persoas falando a persoas, cada quen coas súas pecualiaridades, cos seus temas e teimas. Sempre con proximidade (até os meus oídos), e con sinceridade. O venres pasado escoitaba o último Bala Extra antes das vacacións, onde Pedro Sánchez, @elojoqueves, conducía unha conversa a 3 que recomendo totalmente. Hoxe tócalle o último do ano, digamos lectivo, a Jacobo Vidal Pascual, @vidalpascual, no seu "Desde el Reloj". Imprescindible. Non hai máis que achegarse a estes dous exemplos para entender o que signfica podcasting independente, amateur ou cidadán, como prefiras. E por que o podcasting me gusta tanto.